By Pu Samte, March01,2012
Tusung teng hih cnf te zogam zum honghon ding tawh kisai net khem peuh ah kibuai mahmah hi.CNF thu pen luaksuak liang in netsung ah kisim ta ahih manh in genluat ding bang mah om nawn lo hi.
Hih cnf ten Zogam a,zum hong hon nop vaitawh kisai keima muh na them khat kong gelh nuam pong hi.Ih sangam haka falam sung ah zong mipil leh mi thupi,mi thu khual tam pi tak mah om hi.Ahita zong hih cnf makai atam zaw pen extremists te vive ahi uh hi.Thu sau ngaih sun lo in hih suk zeau zeau te pawl ahi uh hi. Gen teh na in Zogam ah hong lan mahmah sung in,amau thu tawh kituak lo a om leh that suk zeau ding cihbang,haimual mawtaw ten sum apiak kei leh amataw hal sak zeu ding cih bang ciangciang khuak nei te ahi uh hi. Tua thu sau ah ngaih sut loh na uh ih a ngah pen ,tuhun a,aki zat thei loh lam hong theih ciang in Zogam pan Pu Nang Lian Thang leh Pu Salai Kipp hong zawn ahi uh hi.
Greenbelt ,Marlyland,USA Pu Ngo Cin Thawng inn a,Pu Salai Kip leh Pu Nang Lian Thang kiang ah keizong keimuh na kana dong pong a, Zogam saklam om ei pau kitel teng in hih cnf pen bangzah ciang dong lipkhat,huatsah aih ciang no bang ci bang in mipi convince(zolkik) zo ding leh azenzen in mipi ngah zo mahmah lo hi leucin no SC( CNF Supreme council) in bang ciang sem zo ding cih thu kana dong a, Pu Salai Kip in lungduai tak mah in hong dawng kik hi.Ahita zong mipi kuamah ahngah zawh kei leh bang ciang nasep theih na nei cih pen Pu Salai Kip in hong dawng kik zolo hi.(Hun nangah uh leh youutube ah na en kik un)
Kawlgam khua hun hong kikhel hanhan ciang hih cnf tezong nasep hongkipan kik uh ahihi.Amau deih (mikhem peuh) deih Zogam (chinsate) federal state ngah ding a hihi. Tua pen nidang a, ahmau teng bek ih hih lumlum laibang hilo in ei sak lam Tedim,Tonzang,Cikkha teng in oppose peuh lehang bangmah asep zawh loh ding uh mukhia ta ahihi.Kum20 val ciang amit hong keuh pan ahihi.Tuahang a,ei sak lam teng hong zawh theih khak leh cih na leh idea hoih advice hoih nei Pu Kipp le Pu Thang ana zol uh ahihi.
Tu in hih CNF te in or Chin deih lai teng in Khalkha lai pen UN ah Chin State common language hi ci in apuak ta ahihi.US hong pai leu cin munkhem peuh ah kawl lai sang in haka lai bekbek na mu ding uh hi.factory,zum,toilet etc ..te ah).Amakai apil pen ding a, ih up pawl khat zong in,kawl pau siam mahmah napi,en haka pau thei loh pen kawl pau tawh kiho lel lehang ahoih ding pen haka pau mah tawh hong mawmawt hopih zong tam mahmah hi.(amin ahpuam gelh nawn dah ni)
Ei saklam teng pen kawl te ih panglong agreement a,independent ngah pak nang a, hong khem bang a, hong khem nuam ahi uh hi.Federal state ngah nang pen amau haka area bek tawh hithei loding cih mu khia ta ahi uh hi.Thang lam teng ,matu,mindat,paletwa,kanpetlet lam pen emsa( ngahsa) cih dan in ngaih sun uh hi.
Democracy bang ngah taktak lehang ei saklam teng pen myone 3 bek kihi mawk in ahmau thang lam teng pen myone 6 bang ahih ciang vote tawh ki lel zel thei ding a, Khalkah pau khawng ut zong ut keizong ihtu ih ta ten asin hun khawng hong tun ding zong lauh huai kasa hi.
Ih phatna bel hisam kei in politics ah international level in tai a, ei sak lamh ten ih pha zo mahmah naikei hi.Tua hi a,Chin State (Zogam) Federal State or Independe ngah nang pen ahmau tawh kipawl loh lah piang thei lo a, kipawl mah ta lehang zong vote tawh Zogam(Chin State ) level ah ih lelh zel ding pen keima muh khol na ahihi.
Tua ahih ciang in ahmau tawh kipawl ding in Federal State ngah nang hah kat ding maw or ei zong politics ah amau level ih tun nang hah kat ding?Ahih kei leh ahmau tawh kipawl vetlo ding in ei saklamh teng om ding! Democarcy tatak hi leh pen kinuai nen theih na omsaam lo ding a,mipi vote tawh hong hizel ding! Mipi vote ci lehang la,midat,matu,kanpelet,paletwa,haka,falaam teng pen ei sang mah ahmau teng ki it zaw uh?Bang lawh ding.
Ih kipawl ding ahizong ei zong ahmau zah mah in ngalkap ih neih kei leh hong lau huai thei ding ahihi.Ah nu nungah Zogam or Kawlgam democracy hong ngah mawk leh tulaitak manipur state bang hong hi ding a, haka,falam,zomi ngal kap ciat ih neih kei leh tualthah na ki zomzom lel ding ahihi.Kuamah maunh ding om lo a,ei leh ei mah kimuan ding thupi pen hi.
CNF te khailh penpen na pen hong zo lua ding kisa a, atung lam pan( kawlpau le) apawsi bebek ah bawl pen khial mahmah hi.Zogam a,hong tat siat na teng hongthum,hong leau ding a,hih cnf cih mahmah zong phiat siang ding in,kawlkumpi dan mah in zogam bup,chin state bup mah athak in kisatsuah ding(reform) ding ahih keinak leh ih ki thutuah thei ding pen,Topa ZeiSu hong kum khit anti-christ hun sung zong in haksa mahmah lai ding cih keima personel opinion ahihi.
Gen khial,gelh khial leh gen tatak deih lo a om leh ki ngai dam ni!
