the samte

 Hih ih Crisis bul pi pen ZNC in Party tepteh na hong ngah lo pan kipanh cih pen ih theih ciat sa hi.1990 kum Kawlgam General election lai in Zomi minpua a,ading ZNC bek na om a,Tiddim(2) leh Tonzang(1)pan vote hong ngah a MP (2) hong nei uh a,kawlmang ten arnar(power) lakik mah ta se leh tuni dong ciang hamsat na leh mat leh hen thuak a, asihpih ngam ahmau bek mah om cih pen ih theih sa ciat hi a,zahtaak na kapia hi.Tua 1990 kum hun in zong Zomi makai dang kuang lui pawl khat na om hi a,Tiddim (1) pan zong Ka sang gam Pa,Pu Ngin Thang in NLD party min tawh MP tel tuam hong ngah hi.Tua kiteel nitak mah in MP teltuam hong ngah kihaza dan hi a, Mi Pawl khat in a Inn Suang tawh na vuah(huah) ngawp hih tuak in.( hi bel ka topic tawh kisai kei in kyawnya) ci phot ni.

     ZNC in mee kuang alui lai in Tiddim leh Tonzang bekmah ah na lui zo a,tua hun lai in ahmau hih zawh zahzah tawh ana pat zong himai ahih ciang, Tiddim leh Tozang represent ding bekmah in hong ding hi cih pen,kei ma muh na hi.2015 ah koikuam teng hong huam ding hiam cih pen ahmau lungsim puak en ih theih pih nai kei hi.ZNC in Tiddim leh Tonzang bekmah huam ahih mawk leh Zomi ih cih cih in Tiddim leh Tonzang bekmah huam maw? cih zong kidot phat phat kul in ka um hi.Tua hang in zong ZNC party 2015 ading a,Bang hang in Kawlmang ten hong nolh phot in hong sang kik hiam? cih zong ahang ih thei tuan kei a,ih up mawh ciat net sung ah ih so vavat tek hi.

    Keipian ma in Zomi pil masa ahi Sangmang Pi Rev. Pu .Hau Go in Thu sau pi ahngaih sutna leh Pasian azah tak natawh Zomi Baptist Convention( ZBC) na na phut khia ,a tua in Kham tung gam Baptist peuh mah hong huam hi.Tu inn zong tua ZBC hing lai,a amin kilaih ding cihkhawng ka zak ciang kadah mahmah hi.Zomi te in tua zong kitai san,Kinuaksanh cih khawng zong netsim khem peuh mah in ,ih zak den hi a,kha siat huai phial hi.Tua hun in Zomi in khamtunggam atamzaw huam cihpen ih theih ciat hi.Hih pen Zomi in bang ciang huam cih ka gen nop pong na hi a,kuamah mawhsak tuan na akong gelh ahi kei hi.

   Tutung ZNC in Tepteh na hong ngah kik ciang in minthak khat phuak ding hong kisamh ahih manh in,hong mang ta leh hong mang ta kei leh ,hong mangh ding zong lah ei tawh kisai lo hiphot lel saam in ei mau hoih sak leh deih ciatciat min ih phuak pih ngeingai a,tua tawh kizomh in Zomi & Zo Mi crisis hong piang in ,tudong ciang mah net sung ah ei mau lamciat thumaan thu tang saciat in ,ih ki nialnail hi.ZNC in kum(22)val vivel athuak pih hun bei pih pen ahmau thuthu zong hi lel mah hi.

   Tutung in hih ZNC vai tawh Zomi-in bang ciang huam cih thu sung ah Khanglam a,ih sang gam neih Zo tung, Zo phei te huam zawh naang cih topic zong ah om nawn loh ban a,net sung a, ih kinialnial teng ka muh ciang ,aw ZNC leh Zomi ih cih in Tiddim Gam khen khat bek hong huam hi ta a mataw ci-in ka kha asia mahmah hi.Politics pen ih siam kei leh lau huai mahmah a,mipi zong in ahmau meet naang leh ahmau hamphat nang abawl zo te bekmah vote hi cih pen naupang khat zong ih thei sa ahihi.

    Tulai tak ih kham tung MP teng en pak lehang Zomi or Zo mi min pua ta kei leh Tonzang(1) leh(2) ah Zo,Tiddim(1) ah Sizang,Tiddim(2) ah Tedim ci mai ni!gen teh nan!Hih ih MP 4 teng in Zomi Party min apuak loh hang tutung District vai vote na ah Vote 5 bek cimawk lehang ,ih MP teng in Zogam ei Tiddim leh Tonzang ading vote cih pen siang mahmah in kitel hi.

   Keima ngaihsut mawkmawk ah,kei bang tutung ZNC in Min hong phuak kik in,ahuam thei pen ding in Zo min khat ih sanh kim theih ding hong phuak hen la,Ih sanggam Zo Tung ,Zo Phei ,leh Zo Khua lam te na leng tutawm ahikei zong damdam in ih zolzawh nang hah kat lehang ka ut mahmah hi ven,Pau le Haam pen numbat (1) hilo zaw in Ih Min mah2 ih sanh kim theih ciat ding thupi phot hi.

    Tua adan ih paisuak leh mi na hai nawn lo a hih ciang Zomi adeih lo ten Zo Mi or Zo Party khat hong bawl mawk leh Tonzang myone pen  Zo 90 % bang ten na himawk Tonzang(1) and (2) ah Zo MP in leitung bei dong Zo MP mah hong kah lel ding hi.Zo Mi or Zo party hong om pak kei zong party dang min tawh ding Zo MP te mah hong ki vote lel ta ding hi.Tiddim (2) pen Gun gal teng hi a,Tiddim (1) pen Khua No leh Sizang 50% bang ciat om na himawk in Khuano MP or Sizang MP hong kah lel ding in ZNC meekuang dem nang leh mun ngah nang pen Tiddim(2) bek mah hong hi mawk a,nidang a,ih kipum khat loh na teng pen tun hong ki sia semsem ding cih kadah mahmah hi.ZNC thuneih na pen khamtung gam bup ah MP(1) bek tawh hong hi ding a,bang mah ih petlet zo tuan kei ding hi.Tua District ih ngah loh na zong Democracy ih akipat cil na hi a, nidang ciang hih sang ih thuak zaw lai ding a, a zekai luat ma in ,khat vei khua ngai kik in,Ih Party min mahmah mikim sanh theih ding mah min vawh phot lim2 lehang ut ngeungau ingh.Mikang ten" Mi khat peupeuh or Mite Khat peuh" hai asak luat ciang" They Don't think Twice" acih ih bat loh ding thu pi mahmah kasa hi.

 "ZNC doesn't Think Twice" sang "ZNC Thinks Twice" ka deih zaw a, tua mah bang in "Zomi do not think twice" sang "Zomi Think Twice" mah ka deih zawk ban ah "Zo People do not think twice" sang "Zo People think twice " ka deih zaw kan lailai hi.

Hih ka leigelh pen bang mah ka reference kei a,kei ma personel opinion,personel point of view, leh Zomi or Zo Mi kipum khat ding ka deih luat na hizaw hi"

 

cindokhup samte
1200 Ardmore Court# 2A
Frederick,MD 21703 USA
240-440-1090(cell)
http://thesamte.blogspot.com